U. D. 15: RECURSOS, MATERIAIS e FERRAMENTAS ESCAPARATISMO > RECURSOS ESCAPARATISMO > CREACIÓN DE AMBIENTES > Rebaixas

Aspectos a ter en conta:
	Chegado este punto, é mellor repasar ou facer memoria da lexislación ou normativa actual que sobre as rebaixas se indica na U. D. nº 12 de Promoción de Vendas.
		As rebaixas convertéronse nun período obrigado entre dúas importantes estacións climatolóxicas. Isto inclúe a garantía de que unha vez transcorrido a temporada de rebaixas os produtos serán totalmente novos.
		É importante captar a atención da clientela dende o primeiro día de comezo das rebaixas. Hoxe, xa non resulta fácil seducir @ consumidor/a con importantes descontos, xa que moitos dos establecementos adoptan esta estratexia dende o primeiro día de rebaixas, en lugar de ir subindo paulatinamente esa porcentaxe.
		A maio parte dos escaparates non amosan no escaparate os produtos cando están de rebaixas, limítanse a colocar grandes rótulos coas porcentaxes de rebaixas. Isto débese a que hai que centrar a atención d@ consumidor/a na mensaxe que se quere transmitir e, non nos artigos que ó ter que estar retirándoos constantemente darían sensación de desorde.
Propostas de atrezos que se poden empregar:
	Ademais dos típicos cartelóns, despregados en horizontal ou vertical, ocupando a maior parte do escaparate, indicando a palabra REBAIXAS e a porcentaxe rebaixada, propóñense, entre outros atrezos os seguintes:
		Manequíns vestidos, cada un deles, cunha letra da palabra REBAIXAS. O poder de atracción sería un éxito asegurado
		Encher o escaparate de globos de cores coa palabra REBAIXAS. A igual que o anterior, ó ser tan colorido, o éxito sería asegurado
		Simular unha balanza, indicando nunha frase con letras grandes: REBAIXAMOS O PREZO, NON A CALIDADE. Isto remarcaría a presenza da calidade. É un recurso para escaparates pequenos.
		Colgar do teito as bolsas do establecemento a distintos niveis sobresaíndo os artigos, con a palabra REBAIXAS escritas nas bolsas.
		Utilizar os carteis de REBAIXAS dos Centros Comerciais Abertos, colocándoos en distintas posicións.
		Colocar manenquís sen vestir, enroscados cunha banda ancha e a palabra REBAIXAS.
Exemplos e ideas:
	A mellor idea é aquela na que se trata de potenciar o sentido de humor no contido da mensaxe ou na construción, o máis minimalista posible, do escaparate, recordando de que a maioría dos establecementos, por non dicir todos, están de rebaixas e @s consumidor@s centran a súa atención, para seleccionar o establecemento antes de entrar, na información que indica o escaparate.